गएको २५ दिनमा पहिलोपटक भारतमा ३ लाखभन्दा कम संक्रमित थपिएका हुन्।
त्यहाँको केन्द्रीय स्वास्थ्य मन्त्रालयका अनुसार गएको २४ घण्टामा भारतमा २ लाख ८१ हजार ३८६ नयाँ संक्रमित थपिएका हुन्।
सो अवधिमा संक्रमित हुनेभन्दा कोरानामुक्त हुनेको संख्या झन्डै एक लाख बढी छ। मन्त्रालयका अनुसार गएको २४ घण्टामा ३ लाख ७८ हजार ७४१ व्यक्ति कोरोनामुक्त भएर घर फर्किए।
यद्यपी भारतमा कोरोनाबाट मृत्यु हुनेको संख्या चार हजारकै दरमा छ। त्यहाँ एकैदिन ४ हजार १६ को मृत्यु भएको बताइएको छ।
यससँगै भारतमा कोरोनाबाट संक्रमित हुनेको कुल संख्या २ करोड ४९ लाख ६५ हजार पुगेको छ। २ लाख ७४ हजार ३९० त्यहाँ कोरोनाका कारण ज्यान गुमाउँदा २ करोड ११ लाख ७४ हजार कोरोनामुक्त भएका छन्।
प्रतिक्रिया