युनिकोड
मौसम पूर्वानुमान महाशाखाले देशका विभिन्न भागमा हावाहुरी तथा चट्याङसहित असिनापानीको सम्भावना रहेको भन्दै सचेत रहन आग्रह गरेको छ।
शुक्रबार अपरान्ह सामाजिक सञ्जालमार्फत महाशाखाले ‘हाल देशको गण्डकी प्रदेश, बागमती प्रदेश, प्रदेश १ को पहाडी भू–भागका साथै लुम्बिनी प्रदेशको पूर्वी जिल्लाहरुमा मेघ गर्जन, चट्टयाङ, हावाहुरी, असिनासहित वर्षा गराउने बादल विकसित भैरहेकोले सतर्कता अपनाउन’ अनुरोध गरेको छ।
— Nepal Weather Forecast (@DHM_Weather) April 16, 2021हाल देशको गण्डकी प्रदेश, बागमती प्रदेश, प्रदेश १ को पहाडी भू-भागका साथै लुम्बिनी प्रदेशको पूर्वी जिल्लाहरुमा मेघ गर्जन, चट्टयाङ, हावाहुरी, असिना सहित वर्षा गराउने बादल विकासित भैरहेकोले सतर्कता अपनाउन हुने अनुरोध छ । pic.twitter.com/goJ0vFuEaG
यसअघि मौसम पूर्वानुमान महाशाखाकी वरिष्ठ मौसमविद् प्रतिभा मानन्धरले शुक्रबार बिहान नेपालखबरसँगको कुराकानीमा आज र भोलि (शनिबार) दुई दिन हिजोको जस्तै अझ देशैभर हावाहुरीको सम्भावना भएको बताएकी थिइन्।
उनका अनुसार हिजो सुदूरपश्चिम, गण्डकी, बागमती, प्रदेश १ मा ठूलो हावाहुरी आएको थियो। तराई क्षेत्र र कर्णाली प्रदेशमा पनि हावाहुरी त आएको थियो तर थोरै समयका लागि। आज भने देशैभर हावाहुरीको सम्भावना रहेको उनको भनाइ थियो।
वरिष्ठ मौसमविद् मानन्धरका अनुसार हिजो दिउँसो ३/४ बजे सुरु भएको हुन्डरी राति १० बजेबाट मात्र मत्थर भएको थियो।
हिजो हावाहुरी आएको भए पनि ठूलो वर्षा कतै नभएको उनले बताइन्।
प्रतिक्रिया