युनिकोड
कर्णाली प्रदेशकाा मुख्यमन्त्री महेन्द्रबहादुर शाहीले प्रदेश सभामा विश्वासको मतका लागि प्रस्ताव पेस गरेका छन्।
कर्णाली प्रदेश सरकार पाँच वर्षका लागि बनेको बताउँदै उनले यसबीचमा केही उतारचढाव आएको बताए।
तिनै उतारचढावले आज विश्वासको मत लिने अवस्थामा आएको उनको भनाइ छ।
नयाँ राजनीतिक संस्कार बसाल्नका लागि र देशलाई एकताको सन्देश दिनका लागि सबैले एकपटक सरकारलाई विश्वासको मत दिन शाहीले प्रदेश सभा सदस्यलाई आग्रह गरे।
शाहीले आफ्नो कार्यकालमा कर्णाली प्रदेशको आवश्यकताका आधारमा विकास र तीब्र आर्थिक समृद्धि भएको बताए।
त्यसका लागि प्रदेश सरकार लागिरहेको बताउँदै उनले सदनबाट एक पटक फेरि प्रतिवद्धता जनाउनु पर्ने बताए।
कर्णालीको विकासका लागि फेरि सबै एक ठाउँमा उभिनुपर्ने आवश्यकता रहेको उनको जिकिर छ।
प्रतिक्रिया