युनिकोड
इरान–अफगानिस्ताको सीमानजिक तेल भरिएको ट्यांकरमा आगलागी हुँदा धेरै मानिस हताहती भएका भएका छन्। तर कति जना भन्ने खुलिसकेकाे छैन।
अफगानी अधिकारीका अनुसार इरानको सीमा पार गरी अफगानिस्तान आएको तेल ट्यांकर सीमा शुल्क कायाृलयअगाडि राखिएको थियो। त्यस क्रममा अचानक आगलागी भएको हो।
समाचार एजेन्सी रोयटर्सका अनुसार, सोसल मिडियामा पोस्ट गरिएको एउटा भिडिओमा हेरात प्रान्तको इस्लाम काला शहरको भन्सार क्षेत्रबाट आकाशमा धुवाँ उडिरहेको देख्न सकिन्छ।
آتشسوزی گسترده در گمرک مرزی افغانستان با ایران
*درپی آتشسوزی گسترده در گمرک «اسلام قلعه» چندین تانکر حامل مواد سوخت طعمه حریق شده است و آتشسوزی همچنان ادامه دارد.
هنوز علت این آتشسوزی اعلام نشده استhttps://t.co/xKTMdvIncd pic.twitter.com/zLHEmUxopp
हेरातका गभर्नरको भनाइ उधृत गर्दै रोयटर्सले लेखेको छ– आगलागी नियन्त्रणका लागि इरानी अधिकारी र नेटोको नेतृत्व गर्ने अफगान सुरक्षा बल घटनास्थल गएका छन्। साथै त्यहाँ अग्नि नियन्त्रक र एम्बुलेन्स पनि पठाइएको छ। तर आगलागी नियन्त्रण गर्न कठिन भइरहेको छ।
समाचार एजेन्सी एपीका अनुसार आगलागीमा कति जना हताहती भए भन्नेबारे अहिले भन्न सकिने अवस्था छैन।
यस्तै तेल ट्यांकर विस्फोट भएका कारण आगलागी भएको अनुमान गरिए पनि यसबारे स्पष्ट भइसकेको छैन।
इरानी न्युज एजेन्सी आईएसएनएका अनुसार आगलागीका कारण सीमामा रोकिएका सयौं ट्रक जलेका छन्।
प्रतिक्रिया