कोरोनाबाट मृत्यु २० लाख नाघ्यो, सबैभन्दा बढी अमेरिकामा

कोरोना संक्रमणका कारण विश्वभर मृत्यु हुनेको संख्या २० लाख नाघेको छ।

जोन हप्किन्स विश्वविद्यालयद्वारा जारी पछिल्लो तथ्यांकअनुसार तीमध्ये सबैभन्दा बढी मृत्यु अमेरिकामा भएको छ।

कोरोना संक्रमणले अमेरिकामा अहिलेसम्म ३ लाख ९० हजार जनाको मृत्यु भएको हाे।

यसपछि ब्राजिलमा करिब २ लाख र भारतमा करिब डेढ लाख जनाको मृत्यु भएकाे छ।

यस्तै अहिलेसम्म विश्वभर ९ करोड ३० लाखभन्दा बढी व्यक्ति कोरोनाबाट संक्रमित भएका छन्।