कोरोनाबाट मृत्यु हुनेको संख्या १८ सय नाघ्यो, ९६.३ प्रतिशत संक्रमित निको भए

नेपालमा कोरोना संक्रमणबाट मृत्यु हुनेको संख्या १ हजार ८०३ पुगेको छ।

पछिल्लो २४ घण्टामा संक्रमणबाट थप ५ जनाको मृत्यु भएको स्वास्थ्य तथा जनासंख्या मन्त्रालयले जनाएको छ। योसँगै कोरोनका कारण मृत्यु हुनको संख्या १ हजार ८०३ पुगेको हो।

मन्त्रालयका अनुसार पछिल्लो २४ घण्टामा थप ९५२ जना कोरोना संक्रमित निको भएका छन्। योसँगै निको हुनेको संख्या २ लाख ४६ हजार ६६१ पुगेको छ। यो कूल संक्रमितको ९६.३ प्रतिशत भएको स्वास्थ्य मन्त्रालयका प्रवक्ता प्राडा जागेश्वर गौतमले बताए।

प्रवक्ता गौतमका अनुसार नेपालमा पछिल्लो २४ घण्टामा ६ हजार ५५९ पीसीआर परीक्षण गर्दा ७४३ जनामा कोरोना पुष्टि भएको छ। योसँगै नेपालमा कोरोना संक्रमित हुनेको संख्या २ लाख ५५ हजार ९७९ पुगेको मन्त्रालयले जनाएको छ।

त्यस्तै आज देशभरमा सक्रिय संक्रमितको संख्या ७ हजार ५१५ रहेको छ।