युनिकोड
काभ्रेको बनेपामा आइतबार साँझ दुई मोटरसाइकल आपसमा ठोक्किँदा दुई जनाको मृत्यु भएको छ।
दुर्घटनामा काभ्रेको धुलिखेल नगरपालिका- ८ भट्टीडाँडाका २८ वर्षीय सत्यमान तामाङ र सिन्धुपाल्चोकको चौतारा साँगाचोकगढी नगरपालिका- ६ का हरिकृष्ण बस्नेतको मृत्यु भएको जिल्ला प्रहरी कार्यालय काभ्रेका प्रहरी नायव उपरीक्षक कुमार बिक्रम थापाले जानकारी दिए।
बनेपा नगरपालिका- ६ मा ना १२ प ७४२९ नम्बरको मोटरसाइकल र बागमती प्रदेश ०२-०१७ प २७०८ नम्बरको मोटरसाइकल आपसमा ठोक्किएका हुन्। दुर्घटनाम गम्भीर घाइते भएका तामाङ र बस्नेतको उपचारको क्रममा धुलिखेल अस्पतालमा मृत्यु भएको प्रहरीले जनाएको छ।
दुर्घटनामा सिन्धुपाल्चोकको चौतारा साँगाचोकगढी नगरपालिका- ६ का बिकास बस्नेत, धुलिखेल-४ का १८ वर्षीय अनिल मगर, उदयपुरको कटारि- ६ का १८ वर्षकै सुबास मगर घाइते भएका प्रहरीले जनाएको छ।
प्रतिक्रिया