युनिकोड
मोटरसाइकलको ठक्करबाट डोटीमा एक महिलाको मृत्यु भएको छ।
इलाका प्रहरी कार्यालय दीपायलका प्रमुख धर्मानन्द जोशीका अनुसार मृत्यु हुनेमा दीपायल सिलगढी नगरपालिका–४ पिपल्लाकी ७० वर्षीया टिकेश्वरी विक रहेकी छन्।
डोटीको प्रमुख व्यापारी केन्द्र पिपल्ला बजारमा हिँडिरहेको अवस्थामा से५प ९४६९ नंको मोटरसाइकलले ठक्कर दिँदा गम्भीर घाइते भएकी निज वृद्धाको शैलेश्वरी अस्पतालमा उपचारका क्रममा मंगलबार मृत्यु भएको प्रहरी पोष्ट पिपल्ला बजारका प्रमुख तथा प्रहरी सहायक निरीक्षक खेमराज भट्टले जानकारी दिए।
ठक्कर दिने मोटरसाइकल घटनास्थलमै छाडी चालक भागेकाले मोटरसाइकल प्रहरीले नियन्त्रणमा लिएको छ भने फरार चालकको खोजी भइरहेको प्रहरीले जनाएको छ। रासस
प्रतिक्रिया