प्रहरीको पोसाक दुरुपयोग गर्नेलाई कारबाहीको चेतावनी

नेपाल प्रहरीले विभिन्न चलचित्र, टेलिचलचित्र, सांगितिक भिडियो, टिकटक भिडियो लगायत टेलिभिजन तथा स्टेज कार्यक्रमहरूमा नेपाल प्रहरीले प्रयोग गर्ने विभिन्न पोसाकहरूको दुरुपयोग भइरहेको भन्दै सचेत गराएको छ।

बिहीबार सूचना प्रकाशित गरी प्रधान कार्यालयले अनधिकृत रुपमा प्रहरीको पोसाक दुरुपयोग गर्नेहरुमाथि कारबाही गर्ने चेतावनी दिएको छ।

प्रहरीले प्रहरी पोसाकको प्रयोग गर्नु पूर्व प्रहरी प्रधान कार्यालय नक्साल स्थित जनसम्पर्क तथा प्रचार प्रसार ईकाईमा पोसाकको प्रयोग गर्नुको प्रयोजन खुलाई स्वीकृति लिनुपर्ने प्रावधान रहेको जानकारी गराएको छ।

यस्तै, स्वीकृति नलिई कुनै पनि प्रयोजनका लागि नेपाल प्रहरीले प्रयोग गर्ने पोसाक र पोसाकमा प्रयोग हुने दर्ज्यानी चिन्ह, प्रहरीको मोनोग्राम प्रयोग नगर्न, नगराउन हुन समेत जानकारी गराइएको छ।