कार्यालयको छाप दुरुपयोग गर्ने मालपोतका सुब्बा पक्राउ

भूमिसुधार तथा मालपोत कार्यालय पर्साका नायव सुब्बा राज महमद मंसुरी सरकारी छाप किर्ते गरेको आरोपमा पक्राउ परेका छन्।

पर्सा प्रहरीले उनलाई लिखत सम्बन्धीको कसुर–सरकारी छाप दस्तखत कागज किर्ते गरेको आरोपमा मंगलबार पक्राउ गरेको हो।

उनलाई जिल्ला प्रहरी कार्यालयको हिरासतमा राखी आवश्यक अनुसन्धान भइरहेको प्रहरीले जनाएको छ।