युनिकोड
अमेरिकाको उत्तर–पश्चिमी राज्य अरेगोनस्थित जंगलमा केही दिनदेखि फैलिइरहेको डढेलोका कारण शनिबारसम्म ८ जनाको मृत्यु भएको छ भने कैयौं व्यक्ति बेपत्ता भएका छन्।
स्थानीय सञ्चारमाध्यमका अनुसार स्थानीय समयअनुसार शुक्रबार साँझ अरेगोनका गभर्नर केट ब्राउनले कैयौं मानिस हराइरहेको र दशौं हजार आफ्नो घर छाड्न बाध्य भएको जानकारी दिएका छन्।
राज्यको आपतकालीन व्यवस्थापन निर्देशक एन्ड्र्यु फेल्प्सलेले डढेलोका कारण ठूलो संख्यामा मृत्यु भएको हुन सक्ने अनुमान उद्धारकर्मीले गरेको बताएका छन्। तर मृत्यु भएका व्यक्तिको एकिन विवरण आधिकारिक रूपमा सार्वजनिक गरिएको छैन।
अधिकारीले प्रभावित क्षेत्रका वासिन्दालाई सुरक्षित स्थानतर्फ जान आग्रह गरेका छन्। डढेलोले हजारौं संरचना आगोले नष्ट पारेको बताएका छन्।
सयौं अग्निनियन्त्रक टोली डढेलो नियन्त्रणका लागि प्रयास गरिरहेको अन्तर्राष्ट्रिय सञ्चारमाध्यमले जनाएका छन्।
प्रतिक्रिया