कोरोना संक्रमितका लागि २० प्रतिशत बेड छुट्याउन निजी अस्पताललाई अपिल

स्वास्थ्य तथा जनसंख्या मन्त्रालयले निजी विद्यालयहरुलाई कम्तिमा २० प्रतिशत बेड छुट्याउन अपिल गरेको छ।

शुक्रबार सूचना प्रकाशित गरी मन्त्रालयले काठमाडौं उपत्यका लगायत घना बस्तीहरुमा कोरोना संक्रमण फैलिँदै गएको र अस्पतालहरुमा बेड अभाव हुँदै गएको भन्दै निजी क्षेत्रका अस्पतालहरुलाई पनि कम्तिमा बीस प्रतिशत बेडहरु कोभिड व्यवस्थापनका लागि राख्न अपिल गरेको छ।

यस्तै, मन्त्रालयले कुनै पनि अस्पतालमा भर्ना भएका बिरमीलाई कोरोना पोजेटिभ देखिएमा कोरोना हव अस्पतालको संयोजनमा सोही अस्पतालमा व्यवस्थापन गर्न निर्देशन दिएको छ।

साथै उपत्यका भित्रका कुनैपनि अस्पतालमा प्रेशण गर्नुपर्ने भएमा हव अस्पतालको समन्वयमा स्वास्थ्य तथा जनसंख्या मन्त्रालयको निर्देशन लिएर मात्रै गर्न पनि आग्रह गरिएको छ।