युनिकोड
आकर्षक तलबसहित वर्किङ भिषामा युरोप पठाइदिन्छु भनी प्रलोभनमा पारी ठगी गरेको अभियोगमा काठमाडौं महानगरपालिका धापासी बस्ने नबीनकुमार चौधरीलाई प्रहरीले पक्राउ गरेको छ। चितवन रत्ननगर नगरपालिका–४ देवौली घर भएका ३१ वर्षीय उनलाई मंगलबार साँझ प्रहरीले पक्राउ गरेको हो।
चौधरीले प्रलोभनमा पारेर विभिन्न व्यक्तिसँग फरक फरक मितिमा करिब ५१ लाख ५० हजार रुपैयाँ लिएको प्रहरी अनुसन्धानबाट देखिएको छ। उनले पीडितलाई युरोप लान भनेर भारतसम्म पुर्याएर अलपत्र पारेका थिए।
पीडितहरुले त्यसपछि प्रहरीमा उजुरी गरेका थिए। लामो समय सम्पर्कबिहीन रहेका उनलाई महानगरीय अपराध महाशाखाबाट खटिएको टोलीले काठमाडौंको टोखा नगरपालिका–६ बाट पक्राउ गरेको हो। महाशाखाले थप अनुसन्धान तथा कारवाहीका लागि उनलाई महानगरीय प्रहरी परिसर काठमाडौंको जिम्मा लगाएको छ।
प्रतिक्रिया