उपत्यकाका तीनै जिल्लामा थपिए कोरोना संक्रमित

काठमाडौँ उपत्यकामा पछिल्लो २४ घण्टामा ६  जनामा कोरोना पुष्टि भएको स्वास्थ्य मन्त्रालयले जनाएको छ।

 बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा. डा. जागेश्वर गौतमले उपत्यकामा थप ६ जनाको पीसीआर रिपोर्ट पोजिटिभ आएकाे बताए।

उनका अनुसार भक्तपुरमा ३ जना, काठमाडौंमा २ जना र ललितपुरमा १ जनामा कोरोना पुष्टि भएको हो।

याे पनि : नेपालमा अहिलेसम्मकै बढी कोरोना संक्रमित थपिए, पछिल्लो २४ घण्टामा ६७१ संक्रमित

नेपालमा पछिल्लो २४ घण्टामा ६७१ जना कोरोना संक्रमित थपिएका छन्।

योसँगै नेपालमा संक्रमितको संख्या ७ हजार ८४८ पुगेको छ।

fत्यस्तै पछिल्लो २४ घण्टामा थप १९ जना उपचारपछि निको भएर घर फर्केका छन्। योसँगै डिस्चार्ज हुनेको संख्या १ हजार १ सय ८६ जना पुगेको छ। जसमा १ हजार ७२ पुरुष ११४ जना महिला रहेको प्रवक्ता गौतमले जानकारी दिए।

याे पनि : पछिल्लो २४ घण्टामा २ जना काेराेना संक्रमितको निधन