भरतपुर अस्पतालको आईसीयूमा युवकको मृत्यु, कोरोना परीक्षण हुँदै

चितवनस्थित भरतपुर अस्पतालको आईसीयूमा आज (शनिबार) एक युवकको मृत्यु भएको छ।

चितवन माडीका २७ वर्षीय युवकको उपचार गर्दागर्दै बिहान मृत्यु भएको हो।

शुक्रबार साँझ उनलाई ज्वरो आएपछि भरतपुर अस्पतालको आइसोलेसनमा भर्ना गरिएको थियो। स्वास्थ्यमा थप समस्या आएपछि आईसीयूमा राखी उपचार थालिएको थियो।

उपचारकै क्रममा उनको मृत्यु भएको भरतपुर अस्पतालले जनाएको छ।

स्वाब संकलन गरी कोरोना परीक्षणका लागि पठाइएको अस्पतालले जानकारी दिएको छ।

ती युवक केही दिनअघि मात्र भारतबाट चितवन आएका थिए।