युनिकोड
कोरोना संक्रमितलाई अस्पताल लैजान स्थानीयले अवरोध गरेपछि प्रहरीले हवाई फायर गरेको छ।
रौतहटको इशनाथ नगरपालिका ७ स्थित क्वारेन्टिनमा १६ जना संक्रमितमध्ये दुई जनालाई लिन पुगेको टोलीलाई स्थानीयले अवरोध गरेका थिए। यसअघि १४ जनालाई बिहीबार साँझ लगिएको थियो।
स्थानीयले अवरोध गरेपछि प्रहरीले हवाई फायर गरेको हो। उक्त क्वारेन्टिनमा ३ सय जना रहेको नगर प्रमुख सन्तोष मेहेताले बताए। उनीहरु सबै भारतबाट फर्किएका हुन्। संक्रमितलाई प्रहरी अस्पतालमा निर्माण गरिएको आइसोलेसनमा पठाइने मेहेताले बताए।
यसअघि बाँकेको नरैनापुरमा पनि स्थानीयले संक्रमितलाई आइसोलेसनमा लैजान अवरोध गरेपछि सेना परिचालन गरिएको थियो। त्यहाँ निषेधाज्ञा जारी गरिएको छ।
प्रतिक्रिया