युनिकोड
एक किशोरीलाई जबरजस्ती करणी गरेको अभियोगमा प्रहरीले दाङबाट दुई युवकलाई पक्राउ गरेको छ।
अर्का एक युवक फरार रहेका प्रहरीले जनाएको छ।
किशोरीलाई जबरजस्ती करणी गरेको अभियोगमा तुलसीपुर उपमहानगरपालिका-१० बनगाउँ बस्ने २४ वर्षीय ओम चौधरी र २२ वर्षीय सुमन भन्ने राजेन्द्र चौधरीलाई पक्राउ गरिएको जिल्ला प्रहरी कार्यालय दाङले जनाएको छ।
ओम, राजेन्द्रसँगै तुलसीपुर उपमहानगरपालिका-८ टिकरी बस्ने २४ वर्षीय राजेश चौधरीले ती किशोरीलाई सामूहिक रुपमा जबरजस्ती करणी गरेको प्रहरीको प्रारम्भिक अनुसन्धानबाट खुलेको छ।
पीडितले दिएको उजुरीको आधारमा इलाका प्रहरी कार्यालय तुलसीपुरबाट खटिएको प्रहरीले ओम र राजेन्द्रलाई पक्राउ गरेको हो।
हाल फरार रहेका राजेशको खोजी भइरहेको र घटनाको सम्बन्धमा थप अनुसन्धान जारी रहेको प्रहरीले जनाएको छ।
प्रतिक्रिया