युनिकोड
चेक अनादर मुद्दाका दुई जना फरार प्रतिवादीलाई प्रहरीले काठमाडौँबाट पक्राउ गरेको छ।
पक्राउ पर्नेमा ललितपुर, ललितपुर महानगरपालिका-१५ सातदोबाटो बस्ने मकवानपुर बागमती गाउँपालिका-७ घर भएका ४७ वर्षीय पूर्ण बहादुर डिम्डुङ र काठमाडौं महानगरपालिका-३१ बस्ने भीमसेनगोला बस्ने तेह्रथुम फिदिम नगरपालिका-४ घर भएका ५८ वर्षीया सलिजा कान्दङवा रहेका छन्।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरुलाई पक्राउ गरेको हो।
जिल्ला अदालत मकवानपुरको २०८१ माघ १३ गतेको फैसला अनुसार उक्त मुद्दामा २ वर्ष कैद सजाय ठहर भई फरार रहेका पूर्णबहादुरलाई ललितपुर महानगरपालिका-१५ सातदोबाटोबाट र सोही मुद्दामा फरार रहेकी सलिजालाई काठमाडौं महानगरपालिका-३१ भीमसेनगोलाबाट पक्राउ गरिएको प्रहरीले जनाएको छ।
पुर्ण बहादुरलाई फैसला कार्यान्वयनको लागि जिल्ला अदालत मकवानपुर र सलिजालाई जिल्ला अदालत पाँचथर पठाइएको छ।
प्रतिक्रिया