युनिकोड
नेपालमा थप १० जनामा कोरोना संक्रमण पुष्टि भएको छ। नयाँ संक्रमित सबै कपिलबस्तु जिल्लाका हुन्।
यो सँगै नेपालमा कोरोना संक्रमितको संख्या १२० पुगेको स्वास्थ्य तथा जनसंख्या मन्त्रालयले जनाएको छ।
राष्ट्रिय जनस्वास्थ्य प्रयोगशाला टेकुमा गरिएको परीक्षणमा थप १० जनामा कोरोना संक्रमण पुष्टि भएको हाे।
संक्रमित कपिलबस्तुको यशोधरा गाउँपालिका ५ र वुद्धभूमि नगरपालिका ७ र १० का हुन्।
उनीहरु १८, १९, २०, २०, २४, ३०, ३१, ३४ र ३४ वर्षका छन्। अर्का एक संक्रमित पुरुषको भने उमेर खुल्न बाँकी छ।
संक्रमित सबैको स्वास्थ्य अवस्था सामान्य छ। उनीहरु स्वास्थ्यकर्मीको सम्पर्कमा रहेका स्वास्थ्य मन्त्रालयका सह-प्रवक्ता डा.समीरकुमार अधिकारीले जारी गरेको प्रेस विज्ञप्तिमा उल्लेख छ।
प्रतिक्रिया