युनिकोड
जल तथा मौसम विज्ञान विभागअन्तर्गतको मौसम पूर्वानुमान महाशाखाले हाल नेपालमा कुनै उल्लेखनीय मौसम प्रणाली नरहेको जनाएको छ।
महाशाखाले आज (बिहीबार) बिहान ८ बजे जारी गरेको बुलेटिनअनुसार यतिबेला तराईका केही स्थान तथा उपत्यकाहरूमा हुस्सु/कुहिरो लागेको छ।
अनि कोसी, गण्डकी र कर्णाली प्रदेशका पहाडी र हिमाली भूभागमा मौसम आंशिक बदली (पातलो बादल) छ भने देशका बाँकी स्थानमा मौसम मुख्यतया सफा (आकाश लगभग सफा) छ।
मौसम महाशाखाका अनुसार आज दिउँसो पनि तराईका धेरै स्थानमा हुस्सु/कुहिरो रहनेछ। देशका पहाडी र हिमाली क्षेत्रमा भने मौसम मुख्यतया सफा रहेने छ।
यस्तै राति पनि तराईका थोरै स्थानमा हुस्सु रहनेछ। देशका पहाडी र हिमाली भेगमा भने मौसम मुख्यतया सफा रहने मौसम पूर्वानुमान महाशाखाले जनाएको छ।
प्रतिक्रिया