काठमाडौंबाट जाँदै गरेको मोटरसाइकल मकवानपुरमा पहिरोले पुरियो, चालकको मृत्यु

काठमाडौंबाट हेटौंडातर्फ जाँदै गरेको मोटरसाइकल पहिरोले पुर्दा चालकको मृत्यु भएको छ।

प्रहरीका अनुसार बा ४४ प ६०८५ नम्बरको मोटरसाइकललाई मंगलबार राति कोगटेखोलानजिकै पहिरोले पुरेको हो।

घटनामा मोटरसाइकल चालक भीमफेदी गाउँपालिका-८ देउरालीका २३ वर्षीय कृष्ण खनालको मृत्यु भएको मकवानपुर जिल्ला प्रहरी कार्यालयले जनाएको छ।

मृतक खनालको शव परीक्षणका लागि हेटौंडा लगिएको छ।