दक्षिणकालीमा मोटरसाइकल दुर्घटना हुँदा एकजनाको ज्यान गयो

काठमाडौंको दक्षिणकाली नगरपालिका–५ डोल्लुमा मोटरसाइकल दुर्घटना हुँदा एक व्यक्तिको ज्यान गएको छ।

प्र३–०२–०१० प ४२६२ नम्बरको मोटरसाइकल अनियन्त्रित भई सोमबार राति दुर्घटना हुँदा चालक सोही ठाउँ बस्ने ६० वर्षीय राम बहादुर तामाङको मृत्यु भएको प्रहरीले जनाएको छ। 

दुर्घटनामा गम्भीर घाइते भएका उनको वयोधा अस्पताल बल्खुमा उपचारको क्रममा मृत्यु भएको हो।