कोरोना भाइरसका कारण यी वृद्ध दम्पतीको एकै दिन ज्यान गयो

कोरोना भाइरस ‘कोभिड १९’ को संक्रमणबाट एक वृद्ध दम्पतीको एकै दिन ज्यान गएको छ।

गत शनिबार अमेरिकी राज्य विसकनसिनको विसकनसिन अस्पतालमा म्यारी केपलर र उनका श्रीमान विलफोर्डको उपचारको क्रममा मृत्यु भएको सीएनएनले जनाएको छ।

उनीहरुले ७३ वर्ष अगाडि विवाह गरेका थिए। विलफोर्डको मृत्यु भएको ६ घण्टापछि म्यारीको मृत्यु भएको थियो।

दुवैलाई कोरोना भाइरसको संक्रमण भएकाले दुवैलाई अन्तिम दिनसम्म पनि एकै कोठामा राखेर उपचार गरिएको थियो।

दुवैले अस्पतालको शय्याबाट एक अर्कासँग माया र प्रेमका कुरा गर्ने गरेको वृद्ध दम्पतीका नातिनी नटेलिया लामेकाले बताइन्। सीएनएन