गरिब मुलुकहरुलाई तत्काल सहयोग नगरिए विश्वभर एक अर्ब मानिस कोरोना भाइरसबाट संक्रमित हुन सक्ने चेतावनी एक अन्तर्राष्ट्रिय सहायता समूहले दिएको छ।
इन्टरनेसनल रेस्क्यु कमिटी (आईआरसी) ले भाइरसको विश्वव्यापी प्रसार रोक्न वित्तीय र मानवीय सहयोग आवश्यक पर्ने बताएको छ।
अफगानिस्तान र सिरियाजस्ता नाजुक अवस्थामा रहेका मुलुकमा महामारी रोक्न तत्काल सहयोग गर्नुपर्ने सो समूहको भनाइ छ।
यस्तो सहयोग नगरिए विश्वभर ५० करोडदेखि एक अर्ब मानिस संक्रमित हुनसक्ने र ३० लाख बढीको मृत्यु हुनसक्ने आईआरसीको रिपोर्टमा जनाइएको छ।
हालसम्म कोरोना भाइरसबाट ३० लाखभन्दा बढी मानिस संक्रमित भइसकेका छन्। भाइरसबाट २ लाखभन्दा बढीको ज्यान गइसकेको छ। एजेन्सी
3
Shares
प्रतिक्रिया