नेपालको मौसममा दुई प्रणालीको प्रभाव, राति यी प्रदेशमा हुनेछ वर्षा-हिमपात

मौसम पूर्वानुमान महाशाखाका अनुसार अहिले नेपालको मौसममा पश्चिमी वायु र अरब सागरमा बनेको न्यून चापीय प्रणालीको प्रभाव छ।

जसका कारण आज राति कोसी प्रदेश, मधेस प्रदेश, बागमती प्रदेश र गण्डकी प्रदेशमा साधारणतया बदली रही बाँकी प्रदेशमा आंशिक बदली रहने छ।

यस क्रममा राति कोसी प्रदेशलगायत बागमती प्रदेश र गण्डकी प्रदेशका पहाड र हिमाल भूभागका केही स्थानमा मध्यम वर्षा/हिमपातको सम्भावना छ।

मौसम महाशाखाका अनुसार आइतबार दिउँसो कोसी प्रदेश, बागमती प्रदेश र गण्डकी प्रदेशमा साधारणतया बदली रही मधेस प्रदेशलगायत बाँकी प्रदेशका पहाडमा आंशिक बदली रहने तथा बाँकी स्थानमा मौसम मुख्यतया सफा रहने छ।

यस क्रममा कोसी प्रदेशलगायत बागमती प्रदेश र गण्डकी प्रदेशका पहाड भूभागका थोरै स्थानमा हल्का वर्षा/हिमपातको सम्भावना रहेको मौसम महाशाखाले जनाएको छ।