प्रदेश २ का आठवटै जिल्लामा कोरोनाका शंकास्पद ठानिएकाका स्वाब सङ्कलन गरी परीक्षण गर्न विज्ञ परिचालन गरिएको छ।
नेपाली सेना, मेडिकल ल्याब एसोसिएसन अफ नेपाल (मेलान) र इडिसिटीबाट आएका प्राविधिक टोलीले स्वाब संकलन सुरु गरेका हुन्।
प्रदेश २ को सामाजिक विकास मन्त्रालयका सचिव रामप्रसाद घिमिरेले काठमाडौंबाट आएका ६ र जनकपुरका २ गरी आठ टोली शङ्कास्पद ठानिएका एक हजार पाँच जनाको स्वाब सङ्कलनमा खटिएको जानकारी दिए।
प्रदेश २ मा हालसम्म पाँच जना सङ्क्रमित देखिएका छन्। शनिबारदेखि सिराहाको लहान, गोलबजार, मिर्चैया, कल्याणपुर र सिरहा नगरपालिकाको क्वारेन्टाइनमा रहेकाको स्वाब संकलन सुरु गरिएको छ।
प्रतिक्रिया