छिमेकी मुलुक भारतमा कोरोना भाइरसको संक्रमणबाट मृत्यु भएकाको संख्या करिब ७ सय पुगेको छ।
भारतीय स्वास्थ्य मन्त्रालयका अनुसार कोरोनाका कारण भारतमा ६ सय ८६ जनाको मृत्यु भएको हो। त्यसैगरी संक्रमितको संख्या २१ हजार ७ सय पुगेको छ।
तीमध्ये ४३ सयभन्दा बढी मानिस निको भएको मन्त्रालयले जानकारी दिएको छ।
पछिल्लो २४ घण्टामा भारतमा थप १ हजार ४ सय जनामा कोरोना संक्रमण पुष्टि भएको छ भने ३४ जनाको मृत्यु भएको छ।
भारतमा कोरोना भाइरसको सबैभन्दा बढी संक्रमण महाराष्ट्रमा देखिएको छ।
त्यहाँ मात्रै अढाई सयभन्दा बढीको कोरोना संक्रमणबाट मृत्यु भएको छ भने ५ हजार ६०० भन्दा बढी संक्रमित भएको भारतीय सञ्चारमाध्यमले जनाएका छन्।
प्रतिक्रिया