कोरोना संक्रमित १४ वर्षे किशोर सर्लाहीका

बिहीबार कोरोना संक्रमण पुष्टि भएका १४ वर्षे किशोर जनकपुर (धनुषा) काे नभई सर्लाहीको भएको खुलेको छ।

स्वास्थ्य मन्त्रालयले बिहीबार दिउँसाे नियमित पत्रकार सम्मेलनमार्फत ती किशाेर जनकपुरकाे भएकाे बताएकाे थियाे। 

तर सर्लाहीका प्रमुख जिल्ला अधिकारी मोहनबहादुर जिसीले बिहीबार कोरोना संक्रमण पुष्टि भएका किशोर सर्लाहीको धनकोल गाउँपालिकाको रहेको जानकारी दिएका हुन्।

स्रोतका अनुसार संक्रमित ती किशोर गत चैत २३ गते भारतबाट लुकिछिपी घर (नेपाल) आएका थिए।