युनिकोड
नेपाल वायु सेवा निगमको जहाल भैरहवामा अलपत्र यात्रुको उद्धारका लागि सोमबार (भोलि) १ बजे काठमाडौँबाट उड्ने भएको छ।
प्रधानमन्त्री सुशीला कार्कीको विशेष निर्देशनमा निगमले यो उडान तय गरेको हो।
आरए १७३१ नम्बरको उडान भोलि अपरान्ह १ बजे हुने तय भएको प्रधानमन्त्रीका प्रमुख स्वकीय सचिव आदर्शकुमार श्रेष्ठले नेपालखबरलाई जानकारी दिए।
प्रधानमन्त्री कार्कीले मुख्यसचिव अर्याललाई तत्काल अलपत्र यात्रुको उद्धारका लागि व्यवस्था मिलाउन निर्देशन दिएकी थिइन्।
भोलि दिउँसो २ बजेर ४५ मिनेटमा भैरहवाबाट उक्त जहाज काठमाडौँ फर्किनेछ।
आरए १७३२ को उक्त उडानमा १५८ जना यात्रु रहनेछन्।
यसमा बिरामी, अशक्त र ज्येष्ठ नागरिकलाई विशेष प्राथमिकता दिइनेछ।
राति ९ बजेसम्ममा भए पनि एउटा उडान आज आइतबार नै राख्ने प्रयास गरिए पनि प्राविधिक कारणले भोलि मात्र तालिका मिलाउन सम्भव भएको निगमका अधिकारीहरूको भनाइ छ।
प्रतिक्रिया