नागढुंगा-मुग्लिन सडक खुल्यो

पहिरो पन्छएपछि नागढुंगा-मुग्लिन सडक खुलेको छ।

जवाङ खोलामा खसेको पहिरो हटाएर यातायात खुलाइएको सडक डिभिजन भरतपुरले जनाएको छ।

तुइनखोला पुलनजिक खसेको पहिरोका कारण मुग्लिन-नारायणगढ सडकमा भने एकतर्फी मात्र यातायात सञ्चालन भइरहेको छ।

हेर्नुहोस् सूचना:

मिति- २०८२/०६/१८ गते शनिबार 
समय- बिहान ७:१० बजे।
मुग्लिन-नारायणगढ सडकखण्डमा पानी परिरहेको छ, तुइनखाेला पुलनजिकै पहिरो जाँदा सवारी आवागमन एकतर्फी सञ्चालनमा रहेकाे छ। पानी परिरहेको र यस खण्डमा जोखिम बढेकोले अति आवश्यक अवस्थाबाहेक यात्रा नगर्नुहुन र गर्नैपर्ने भए कृपया जानकारी लिएर सुरक्षा निकायकाे समन्वयमा मात्रै सावधानीपूर्वक सुरक्षित यात्रा गर्नुहुन सम्पूर्ण यात्रु महानुभावहरूलाई हार्दिक अनुराेध गर्दछौँ।

मुग्लिन-नागढुंगा सडकखण्डको जवाङ खाेलानजिकै खसेको पहिरो हटाई हाल आवागमन सुचारु भैसकेको छ।

- सडक डिभिजन भरतपुर