मुग्लिन-नारायणगढ एकतर्फी, मुग्लिन-नागढुंगा सडक दुईतर्फी बन्द

निरन्तर वर्षाका कारण मुग्लिन-नारायणगढ सडकमा फेरि पहिरो खसेको छ।

सडक डिभिजन भरतपुरले आज बिहान दिएको जानकारीअनुसार तुइनखोला पुलनजिक पहिरो खस्दा एकतर्फी मात्र यातायात खुलेको छ।

यस्तै नागढुंगा-मुग्लिन सडकमा पनि पहिरो खस्दा यातायात अवरुद्ध भएको छ।

हेर्नुहोस् सूचना :

मिति- २०८२/०६/१८ गते शनिबार।
समय- बिहान ७:१० बजे।
मुग्लिन-नारायणगढ सडकखण्डमा पानी परिरहेको छ, तुइनखाेला पुलनजिकै पहिरो जाँदा सवारी आवागमन एकतर्फी सञ्चालनमा रहेकाे छ। पानी परिरहेको र यस खण्डमा पहिरोकाे जाेखिम कायमै रहेकाले कृपया जानकारी लिएर सुरक्षा निकायकाे समन्वयमा मात्रै सावधानीपूर्वक सुरक्षित यात्रा गर्नुहुन सम्पूर्ण यात्रु महानुभावहरूलाई हार्दिक अनुराेध गर्दछौँ।

मुग्लिन-नागढुंगा सडकखण्डको जवाङखाेलानजिकै पहिरो जाँदा सडक अवरुद्ध भएको छ ।

- सडक डिभिजन भरतपुर