विश्वव्यापी कोरोना भाइरसको महामारीबाट विश्वमै सबैभन्दा पीडित अमेरिकामा यसबाट मृत्यु भएकाको संख्या ४२ हजार नाघेको छ भने संक्रमितको संख्या ८ लाख उन्मुख भएको छ।
नेपाली समय मंगलबार बिहान ८ः२० बजेसम्म (वर्ल्डओमिटर) को तथ्यांकअनुसार कोरोना भाइरसको संक्रमणबाट अमेरिकामा मृत्यु भएका बिरामीको संख्या ४२ हजार ५ सय १४ पुगेको छ। यस्तै ७ लाख ९२ हजार ७ सय ५९ जना संक्रमित भएका छन्।
अमेरिकापछि कोरोना संक्रमणबाट सबैभन्दा बढी इटलीमा मृत्यु भएको छ। यो खबर लेख्दासम्म त्यहाँ यसबाट २४ हजार १ सय ४४ जनाको मृत्यु भएको छ। यसपछि विश्वमा कोरोनाबाट सबैभन्दा बढी मृत्यु स्पेनमा भएको छ। त्यहाँ अहिलेसम्म २० हजार ८ सय ५२ जनाको कोरोनाका कारण ज्यान गइसकेको छ।
यस्तै संक्रमितको संख्या स्पेनमा २ लाख २ सय १० जना पुगेको छ भने इटलीमा यसको संख्या १ लाख ८१ हजार २ सय २८ पुगेको छ। कोरोनाबाट मृत्यु हुने संख्या स्पेनमा भन्दा इटलीमा धेरै रहे पनि संक्रमितको संख्या भने स्पेनमा बढी रहेको अर्ल्ओमिटरको तथ्यांकले देखाएको छ।
Shares
प्रतिक्रिया