युनिकोड
काभ्रे प्रहरीले मोटरसाइकल चोरीमा संलग्न भएको आरोपमा दुई युवकलाई पक्राउ गरेको छ।
पक्राउ पर्नेमा काभ्रेकै पनौती नगरपालिका-२ बस्ने २० वर्षीय विवेक तामाङ र पनौती- ९ घर भएका १९ वर्षीय निरन विश्वकर्मा रहेका छन्।
यही साउन १९ गते राति उनीहरुले बनेपा नगरपालिका ७ स्थित अरनिको पार्टी प्यालेस अगाडि विष्णुबहादुर सार्कीले पार्किङ गरेर राखेको २ सय सिसिको बा.९६ प २१७१ नम्बरको रातो रंगको एनएस मोटरसाईकल चोरी भएको थियो।
चोरिएको उक्त मोटरसाइकल पनौति नगरपालिका-२ स्थित जरिङस्ति विवेक तामाङको घरमा लुकाएर राखेको अवस्थामा प्रहरीले बरामद गरेको हो।
पक्राउ परेका दुवै युवकमाथि आवश्यक कानुनी कारबाही अघि बढाइएको प्रहरीले जनाएको छ।
प्रतिक्रिया