युनिकोड
सघन सहरी तथा भवन निर्माण आयोजना कार्यालय, ओखलढुङ्गामा कार्यरत इन्जिनियर सन्तोष कुमार यादवविरुद्ध भ्रष्टाचार मुद्दा दायर भएको छ।
अख्तियार दुरुपयोग अनुसन्धान आयोगले यादवविरुद्ध बिहीबार विशेष अदालतमा मुद्दा दायर गरेको हो।
इन्जिनियर यादवले खोटाङ जिल्लामा निर्माणाधीन सडकको रनिङ बिल भुक्तानी गर्ने प्रयोजनार्थ घुस लिएको अख्तियारको आरोप छ।
आयोगको टंगालबाट खटिई गएको टोलीले यादवलाई सेवाग्राहीबाट ५ लाख ७० सत्तरी हजार रुपैयाँ घुस लिइसकेको अवस्थामा नियन्त्रणमा लिएको थियो।
यस्तै, यादवले निर्माणाधीन सडकको पाँचौ रनिङ्ग बिल स्वीकृत गरी भुक्तानी प्रक्रिया सम्बन्धी काम अघि बढाइदिए वापत सेवाग्राहीसँग यही जेठ ८ गते १ लाख र पुनः छैटौं रनिङ बिल भुक्तानीको लागि जेठ १ गते ५ लाख ७० हजार गरी जम्मा ६ लाख ७० हजार रुपैयाँ लिएको अख्तियारले जनाएको छ।
उनीविरुद्ध सो रकम बराबर बिगो कायम गरी बिगो बमोजिम जरिवाना सजाय हुन मागदावी लिई आरोपपत्र दायर गरिएको हो।
प्रतिक्रिया