युनिकोड
काभ्रेबाट स्रोत नखुलेको २५ लाख रुपैयाँ नगदसहित दुई व्यक्ति पक्राउ परेका छन्।
पक्राउ पर्नेमा सिन्धुपाल्चोकको इन्द्रावती गाउँपालिका–१ बस्ने २१ वर्षीय राजन धमला र सप्तरीको छिन्नमस्ता गाउँपालिका–६ बस्ने वर्ष ३८ को संजय कुमार साह रहेका छन्।
जेठ ६ गते काभ्रेको बनेपा नगरपालिका–१४ साँगा चोकमा प्रहरी सहायक निरीक्षक भगवान अधिकारीको कमान्डमा ट्राफिक सहित खटिएको संयुक्त चेकिङ टोलीले पनौतीबाट काठमाडौँतर्फ जाँदै गरेको बा ३ ख २४१६ नम्बरको यात्रुबाहक बसमा सवार दुवैजनालाई उक्त नगदसहित नियन्त्रणमा लिएको हो।
पक्राउ परेका धमला र साहलाई जिप्रका काभ्रेमा ल्याई थप अनुसन्धान कार्य भइरहेको प्रहरीले जनाएको छ।
प्रतिक्रिया