युनिकोड
काठमाडौँ महानगरपालिकाका मेयर बालेन शाहले तोकेको जिम्मेवारी लिन वडाध्यक्षहरुले अस्वीकार गरेका छन्।
आइतबार विज्ञप्ति निकाल्दै तोकिएका जिम्मेवारीहरु कार्यपालिकाको बैठकबाट अनुमोदन नभएकाले आफूहरुले त्यसलाई स्वीकार नगरेको उल्लेख गरेका छन्।
वडा नम्बर २४ का अध्यक्ष विनोद कुमार राजभण्डारीले कार्यपालिकाबाट अनुमोदन भएर आएमा भने सोच्न सकिने बताए। ‘पहिलेका संयोजकहरूले कार्यपालिकाबाट अनुमोदन भएर पाएको हो,’ उनले भने, ‘अहिले पनि अनुमोदन भएर आउनुपर्छ भन्ने हाम्रो भनाइ हो। त्यसरी आएको खण्डमा त लिनैपर्छ।’
त्यस्तै विधायन समितिको जिम्मेवारी पाएकी वडा नम्बर १६ की अध्यक्ष रोजिना श्रेष्ठसँग भने सम्पर्क हुन नसकेको भण्डारीले बताए।
मेयर शाहले जेठ १ गते आफ्नो कदमको आलोचना गरेका वडाध्यक्षहरुको जिम्मेवारी खोसेर नयाँ वडाध्यक्षहरुलाई जिम्मेवारी तोकेका थिए।
प्रतिक्रिया