युनिकोड
पीपीइको अभावपछि त्यहाँका डाक्टरहरुले पानी परेको समयमा लगाउने रेनकोट र बाइकको हेलमेट लगाएका छन्।
रोयटर्सका अनुसार भारतमा डाक्टरहरुले गुणस्तरीय मास्क पनि लगाएको देखिएन। हालै कोलकत्तामा कोरोनाविरुद्धको अभियानमा खटेका डाक्टरले प्लास्टिकको रेन कोट लगाएका थिए।
ती रेनकोटहरु पनि च्यातिएको अवस्थामा देखिएको थियो। बेरेघाट सरुवा रोग अस्पतालका डाक्टरहरु पीपीइको अभावमा रेनकोट र बाइकको हेलमेट लगाएको समाचार सार्वजनिक भएपछि त्यस अस्पतालका प्रशासनले यस विषयमा केही प्रतिक्रिया नजनाएको रोयटर्सले जनाएको छ।
त्यहाँका डाक्टरहरुले ज्यानको जोखिम हुँदाहुँदै आफूहरु काम गर्न बाध्य भएको जनाएका छन्। भारतको स्वास्थ्य मन्त्रालयलेसमेत यस विषयमा कुनै प्रतिक्रिया जनाएको छैन।
भारतमा हालसम्म १२ सय ५१ कोरोनाबाट संक्रमित छन्। त्यहाँ ३२ जनाको मृत्यु भइसकेको छ। गतहप्ताको बुधबारदेखि २१ दिनसम्म भारत लकडाउन गरिएको छ।
प्रतिक्रिया