कोरोना भाइरस (कोभिड-१९) संक्रमणविरुद्ध जुध्न सर्लाहीको हरिवन नगरपालिकाले प्रकोप व्यवस्थापन कोष स्थापना गरेको छ।
विश्वव्यापी माहामारीको रुपमा फैलियको कोरोना भारस संक्रमण फैलिन नदिन तथा संक्रमण रोकथाम र नियन्त्रणका लागि प्रकोप व्यवस्थापन कोष स्थापना गरिएको हरिवन नगरपालिकाका मेयर गणेश प्रसाइँले जानकारी दिए।
कोषमा मेयर प्रसाइँ र उपमेयर रेनुका पौडेलले ५० ५० हजार रुपैयाँ आर्थिक सहयोग गरेका छन्।
त्यसैगरी हरिवन नगरपालिकाका सम्पूर्ण जनप्रतिनिधिले एक एक महिनाको पारिश्रमिक र कर्मचारीहरुले एक दिन बराबरको पारिश्रमिक जम्मा गर्ने मेयर प्रसाइँले जानकारी दिए।
नगरपालिकाले कोषमा स्वइच्छाले रकम जम्मा गर्न पनि हरिवनवासीलाई आह्वान गरेको छ।
प्रतिक्रिया