युनिकोड
हाल देशमा पश्चिमी तथा स्थानीय वायुको आंशिक प्रभाव रहेको छ।
जसको प्रभाव स्वरुप यतिबेला (मंगलबार बिहान) कोसी, गण्डकी र कर्णाली प्रदेशका पहाडी भूभागको मौसम आंशिक बदली छ। देशका बाँकी भू–भागको मौसम मुख्यतया सफा रहेको मौसम पूर्वानुमान महाशाखाले जनाएको छ।
आज दिउँसो पनि कोसी, गण्डकी र कर्णाली प्रदेशको पहाडी भू–भागको मौसम आंशिक बदली रहने छ। देशका बाँकी भू–भागको मौसम मुख्यतया सफा रहने महाशाखाले जनाएको छ।
आज कोसी र गण्डकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपात हुने सम्भावनासमेत रहेको महाशाखाको बुलेटिनमा उल्लेख छ।
आज राति बागमती, गण्डकी र लुम्बिनी प्रदेशको मौसम आंशिक बदली रही बाँकी भू–भागमा आंशिक बदलीदेखि मौसम मुख्यतया सफा रहने मौसम पूर्वानुमान महाशाखाले जनाएको छ।
राति कोसी र गण्डकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना छ।
प्रतिक्रिया