एरिजोना राज्यका एक व्यक्तिको मृत्यु भएको र उनका श्रीमतीको अवस्था गम्भीर बनेको सीएनएनले जनाएको छ।
गतसाता ह्वाइट हाउसमा आयोजित पत्रकार सम्मेलनमा ट्रम्पले ‘क्लोरोक्विन’ नामक औषधि कोरोना भाइरसको उपचारमा प्रयोग गर्न फुड एन्ड ड्रग एड्मिनिस्ट्रेसन एफडीएले अनुमति दिएको बताएका थिए।
तर, एफडीएले त्यस्तो अनुमति नदिइएको भन्दै विज्ञप्ति जारी गरेको थियो। कोभिड–१९ विरुद्ध यसको प्रभावकारिताबारे अझै अध्ययन भइरहेको एफडीएले जनाएको थियो।
तर, ट्रम्पको अभिव्यक्तिपछि एरिजोनाका एक दम्पत्तिले ‘क्लोरोक्विन’ सेवन गरेको अधिकारीहरुले बताएका छन्।
अमेरिकामा ट्रम्पले सिफारिस गरेको औषधिको प्रयोगमा एकको मृत्यु हुँदा नाइजेरिया क्लोरोक्विनको प्रयोगबाट ३ जना बिरामी परेका छन्।
उक्त औषधि खाएर बिरामी भई तीन जना अस्पताल भर्ना भएको लागोसका अधिकारीहरुले बताएका छन्। उनीहरुले कोभिड–१९ को उपचारमा यो औषधि नखान पनि सुझाएका छन्।
क्लोरोक्वीन यो मलेरिया, लुपस र गठिया रोगको उपचारमा प्रयोग हुने औषधि हो। सीएनएन
प्रतिक्रिया