जीतपुरमा स्कुल बसको ठक्करबाट एक जनाको मृत्यु

बारामा स्कुल बसको ठक्करबाट एक जनाको मृत्यु भएको छ। जीतपुरसिमरा उपमहानगरपालिका-२२ स्थित सडकमा 'अनटेष्ट' लेखिएको स्कुल बसले प्र २–०३–०१३ प ३२३३ नम्बरको मोटरसाइकललाई आइतबार राति ठक्कर दिएको थियो। 

बसको ठक्करबाट मोटरसाइकलमा सवार रौतहट राजदेवी नगरपालिका बस्ने ३३ वर्षीय भोला प्रसाद यादवको मृत्यु भएको हो। दुर्घटनामा गम्भीर घाइते भएका उनको सहकारी अस्पताल हेटौँडामा उपचारको क्रममा मृत्यु भएको प्रहरीले जानकारी दिएको छ।

साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ। बस चालकलाई प्रहरीले नियन्त्रणमा लिएको छ।