युनिकोड
अर्घाखाँचीमा टिपरले अटोरिक्सालाई ठक्कर दिँदा एक जनाको मृत्यु भएको छ।
शुक्रबार बिहान गोरूसिङ्गेबाट वीरपुर जाँदै गरेको रा १ ख १६३९ नम्बरको टिपरले भेलाईबाट गोरूसिङ्गे जाँदै गरेको लु १ ह २५१२ नम्बरको अटोरिक्सालाई ठक्कर दिँदा एक जनाको मृत्यु भएको हो।
मृत्यु हुनेमा अर्घाखाँची सितगंगा २ सितापुर नेपानेका ५५ वर्षीय हरि वली रहेका छन्। उनको घटनास्थलमै मृत्यु भएको पथ्थरकोट प्रहरीले जनाएको छ। त्यस्तै दुर्घटनामा वलीकी श्रीमती ५० वर्षीया सीता वली गम्भीर र रिक्साका चालक कपिलवस्तु बुद्धभूमि १ भेलाईका ५० वर्षीय तारा बहादुर टण्डन सामान्य घाइते भएका छन्।
घाइतेको ४ नम्बर सामुदायिक अस्पतालमा उपचार भइरहेको प्रहरीले जनाएको छ।
प्रतिक्रिया