लमजुङको तिलिचो होटलमा ४६ वर्षीय व्यक्ति मृत भेटिए

लमजुङको बेसीशहर नगरपालिका-७ मनाङचौतरास्थित न्यू तिलिचो होटलमा एक जना मृत भेटिएका छन्। 

होटलको कोठा नम्बर १ सय ५ मा मनाङका व्यक्ति मृत भेटिएको प्रहरीले जनाएको छ। 

प्रहरीका अनुसार मृत भेटिनेमा लमजुङ मर्स्याङदी गाउँपालिका-३ खुदी घर भई मनाङ निसाङ गाउँपालिका-२ बस्ने ४६ वर्षीय कृष्ण बहादुर बस्नेत छन्। 

शुक्रबार उनी मृत अवस्थामा फेला परेका थिए। यसबारे प्रहरीले आवश्यक अनुसन्धान गरिरहेको जनाएको छ।