लागुऔषध खैरो हिरोइनसहित एकजना पक्राउ

काठमाडौंको चन्द्रागिरीमा एक युवक लागुऔषध खैरो हिरोइनसहित पक्राउ परेका छन्।

पक्राउ पर्नेमा ईलामको चुलाचुली गाउँपालिका–४ बस्ने वर्ष २१ को अबिरल हीङमाङ रहेका छन्।

नेपालगञ्जदेखि काठमाडौंतर्फ आउँदै गरेको बा प्र.०१–००६ ख ४७९७ नम्बरको यात्रुवाहक बसलाई प्रहरी प्रभाग नागढुङ्गाबाट खटिएको प्रहरी टोली तथा लागुऔषध नियन्त्रण ब्युरो, शाखा कार्यालय नागढुङ्गा सहितको संयुक्त टोलीले चेकजाँच गर्ने क्रममा उनको साथबाट ९ ग्राम खैरो हिरोइन बरामद भएको प्रहरीले जनाएको छ।