युनिकोड
आज (सोमबार) राति खासगरी तीन प्रदेशका पहाडी र हिमाली भेगमा वर्षा तथा हिमपात हुने सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार राति कोसी प्रदेश, बागमती प्रदेश र गण्डकी प्रदेशका पहाडी भूभागका थोरै स्थान तथा देशका बाँकी प्रदेशका पहाडी भूभागका एक/दुई ठाउँमा मेघगर्जन/चट्याङसहित हल्कादेखि मध्यम वर्षा हुने सम्भावना देखिएको हो।
यसैगरी कोसी प्रदेश, बागमती प्रदेश र गण्डकी प्रदेशका उच्च पहाडी तथा हिमाली भूभागका एक/दुई स्थानमा हल्का हिमपात पनि हुने सम्भावना रहेको महाशाखाले जनाएको छ।
यतिबेला (सोमबार साँझ ६ बजे) पनि देशका पहाडी भूभागका थोरै र अन्य भूभागका एक/दुई ठाउँमा हल्कादेखि मध्यम वर्षा भइरहेको महाशाखाले जानकारी गराएको छ।
हाल देशभर पश्चिमी वायु र स्थानीय वायुको प्रभाव छ।
प्रतिक्रिया