युनिकोड
काठमाडौँको सितापाइलामा पार्किङमा राखेको कारमा आगलागी भएको छ। बा प्र ०२ ०२९ च ५९५० नम्बरको विद्युतीय कारमा आगलागी भएको जिल्ला प्रहरी परिसर काठमाडौँले जनाएको छ।
परिसरका एसपी नवराज अधिकारीका अनुसार काठमाडौँ महानगरपालिका-१५ सितापाइलामा रहेको विश्वास स्पोर्टस् सर्भिस सेन्टरमा पार्किङमा राखिएको कारमा सोमबार बिहान आगलागी भएको हो।
कारको ब्याट्रीकाे तार सर्ट भएर आगलागी भएको प्रहरीले जनाएको छ।
प्रहरी, दमकल र स्थानीयको सहयोगमा कारमा लागेको आगो नियन्त्रणमा लिइएको र घटनामा कुनै मानवीय क्षति भने नभएको एसपी अधिकारीले बताए।
प्रतिक्रिया