बाढी र पहिरोबाट ललितपुरमा मात्रै १६ जनाको मृत्यु, ११ बेपत्ता

गत बिहीबारदेखि परेको अविरल वर्षाका कारण आएको बाढी र पहिरोबाट ललितपुरमा मात्रै १६ जनाको मृत्यु भएको छ। 

शनिबार दिउँसो साढे १ बजेसम्म १६ जनाको मृत्यु भएको ललितपुरका प्रहरी प्रमुख एसएसपी शेखर खनालले जानकारी दिए।

उनका अनुसार, जिल्लाका विभिन्न स्थानबाट ११ जना बेपत्ता भइरहेको छन्। उनीहरूको खोजीका लागि नेपाली सेना, सशस्त्र प्रहरी र नेपाल प्रहरीको टोली खटिएको उनले बताए। 

डुंगालगायतका विभिन्न सामाग्रीसहित लगभग ११ सय प्रहरीको टोली लतिपुरमा खटिएको उनले बताएका छन्। 

त्यस्तै, ४ सय १६ जनाको विभिनन ठाउँबाट उद्धार गरिएको प्रहरीले जनाएको छ।