बस दुर्घटनामा तीनको मृत्यु

मकवानपुरगढी गाउँपालिकाको शिखरकटेरीमा ना ३ ख ३५५६ नम्बरको मकवानपुरगढीदेखि हेटौँडातर्फ आउँदै गरेको यात्रुवाहक बस दुर्घटना हुँदा तीन जनाको मृत्यु भएको छ।

मृत्तक तीनै जनाको घटनास्थलमै ज्यान गएको जिल्ला प्रहरी कार्यालय मकवानपुरले जनाएको छ। दुर्घटनामा परी १८ जना घाइते भएका छन्।

मृत्यु हुनेको पहिचान खुल्न बाँकी रहेको प्रहरीले जनाएको छ। घाइतेको घटनास्थलबाट उद्धार कार्य हुँदैछ। घटनास्थलतर्फ एम्बुलेन्स पठाइएको छ। थप विवरण आउन बाँकी रहेको बताइएको छ।रासस