‘गुरुको आवश्यकता भौतिक जीवन र अध्यात्म दुवैतिर’

नेपाल मानव धर्म सेवा समितिले व्यास जयन्ती तथा गुरु पूर्णिमाको अवसरमा दुई दिवसीय कार्यक्रम सम्पन्न गरेको छ।

समितिको केन्द्रीय कार्यालय गौशालामा भएको कार्यक्रममा केन्द्र प्रमुख महात्मा चमेली बाइजीले मानव जीवनमा गुरुको महत्वको बारेका चर्चा गरिन्।

भौतिक जीवन सफल बनाउन अनेक गुरुहरूको आवश्यक्ता परेजस्तै आध्यात्मिक जीवनका लागि पनि गुरुको आवश्यक्ता पर्ने बताइन्। गुरुको सेवा गर्नु भनेको भजन, संत्सग, सेवा र दर्शनबाट बन्चित नरहन सुझाव दिइन्।

कार्यक्रमका प्रमुख अतिथी पशुपति क्षेत्र विकास कोषका सदस्य सचिव डा.मिलन कुमार थापाले अहिलेको युवा पूस्ता सकारात्मक कुरालाई छाड्दै नकारात्मकतातिर अघि बढिरहेकोमा दुःख व्यक्त गरेका थिए।