युनिकोड
कर्णाली नदीमाथिको झोलुंगे पुलमा अड्किएका खच्चडको उद्धार गर्ने क्रममा २ वटा मरेका छन्।
आइतबार बिहान पुलको लठ्ठा चुँडिएर फसेका खच्चडको पुलको तार काटेर उद्धार भइरहेको छ।
‘अहिलेसम्म ८ वटा खच्चडको जीवितै उद्धार गरिएको छ। उद्धार गर्ने क्रममा २ वटा मरेका छन्,’ दैलेखका प्रहरी प्रमुख डीएसपी सुनिल दाहालले नेपालखबरसँग भने, ‘बाँकी ३ वटा खच्चडलाई उद्धार गर्न बाँकी छ।’
सुरुमा टुचनले पुल सोझ्याउन खोज्दा पनि धेरै लोड भएका कारणले नसकिँदा पुलको तार काटेर नदीमा खसालेर उद्धार गरिएको हो।
उद्धारका लागि अछाम र दैलेखका प्रमुख जिल्ला अधिकारी, नेपाली सेना, नेपाल प्रहरी, शसस्त्र र स्थानीय तहका जनप्रतिनिधि सहित स्थानीय खटिएका छन्।
पुलको एकातर्फको लठ्ठा कमजोर रहेको र धेरै खच्चडहरू एकैपटक चढ्न थाल्दा लठ्ठा चुँडिएको हो।
प्रतिक्रिया